小康戰記, 第一次作品!

荀諶:建立D糧倉生產下野食丫,整下酒樓加下收入丫咁囉....唔係有咩好做姐?

附帶圖片

公孫恭死火...咩都琳唔到.....唯有扮意見一致啦)我讚成軍師大人既意見!!

附帶圖片

袁熙都係唔好亂講野好,陣間比個死人軍師玩針對就大劑....順佢意先啦!)我讚成軍師大人既睇法!!

附帶圖片

公孫恭是很強的！反對！！！

袁尚好眼訓丫...唔理啦..求奇答完快D番去訓教算..)我認為軍師大人講野好有道理,我讚成!

附帶圖片

咁我改一改公孫恭既琳法啦!

公孫恭原本我就係想咁樣講,比個無腦軍師講左先TIM=.=算數,下次開會唔叫佢!)我讚成!

附帶圖片

公孫康:各位既意見我都聽曬啦,今次既會同平日一樣都係開左等於無開,只好等你地有進步果陣我再開!!散會!

附帶圖片

公孫康:小恭,你係我唯一相信既人,我依家任命你為護軍,請你好好保護我既人生安全!!
公孫恭:領命!!

附帶圖片

公孫康:軍師,你係我軍既支柱,為左報答你,我依家命你為司馬!
荀諶:臣領命!

附帶圖片

公孫恭:我要投訴丫!!!
公孫康:咩料丫?
公孫恭:點解個姣底軍師個位高我咁多架?
公孫康:明白啦,咁我再重新任命你為平東將軍!
公孫恭:咁先係架嘛!

附帶圖片

公孫康:袁家兄弟聽令!
袁尚:係!
袁熙:係!
公孫康:我依家任命袁尚為偏將軍,袁熙為牙門將軍!

袁家兄弟二人:謝主公!!!

附帶圖片

公孫康:軍師大人,今個月既花紅,請點收!
荀諶:大人你個個月都獎我,其他人會唔會眼紅?
公孫康:擺到明偏心架啦我!!!佢地唔順超咁又點?
荀諶:咁又係~
公孫康:不過我都獎下佢地啦
荀諶:明智決定!睇呢主公有成長啦!
公孫康:駛乜講!

附帶圖片

公孫康:袁家兄弟,今個月既花紅,每人一百,你地自己分左佢!
袁熙:囉去賭場玩下估大細先~
袁尚:無你咁笨.,去賭場當然係玩魚蝦蟹啦!!!
公孫康:(無言暈倒!..)

於是,袁家兄弟就囉左花紅去賭場玩,但不出5個回合就輸曬=.=

附帶圖片

公孫康:近日因為戰馬經常病死,引致騎兵隊要減少人數,為保我軍鐵騎,有請軍師去買馬!
荀諶:臣領命,公孫大人,買馬果邊近大龍鳳酒樓,駛唔駛整兩寵燒賣比你?
公孫康:生我者父母,知我者為荀軍師也!
荀諶:咁臣速去速回!

附帶圖片

荀諶:我既將星出現墮落,睇呢,我唔知仲可以幫主公買幾多次燒賣了
_____________________________________________________________

公孫康:點解無啦啦會有小小心情低落既??

附帶圖片

公孫康:今個月既花紅,請大家點收!
荀諶:咳..咳..咳..,謝主公...
公孫康:軍師身體好似唔係幾好咁...你要盡早去睇大夫,唔係既話你一死,我軍必亂...
荀諶:明白...咳.....咳......咳.....咳.......咳(出血 )

而袁家兄弟方面照舊囉左去賭,但係都係照舊輸曬....=.=

附帶圖片

公孫康:近日治安有小小唔好,聽講仲發生左標芯事件,睇呢我地要加緊檢查!
袁熙:咁我地馬上去管好都市既治安啦!
公孫康:嗯!

附帶圖片

聽日會有新既戰記放上呢,敬請期待!

支持樓主

希望樓主可以盡快更新，以及使用書面語。

對於對我的文章感興趣的論壇朋友深感抱歉,我之前曾經犯事被停權,其後忘記了密碼,若板主要在此帳戶扣除聲譽我絕不反對,因這是自己先前犯下的錯誤,大家大可放心,戰記會再續下去,敬請留意!