| 列印模式主題
按這裡檢視本主題的原始格式 |
| 香港三國論壇 > 武威城 > 講下美斯同C朗 |
| 發表者: Caesar Oct 29 2017, 17:33 |
| 其實持平講，兩個都勵志。 兩個都肯定會係足球史上留名。 C朗可惜既係葡萄牙出身，注定無世盃，始終唔會同到老馬比利齊名，而呢樣都幾肯定係每個球員既夢想，話唔想都只係自欺欺人。 佢已經做到佢能力既最好，歐國歐聯世一。始終足球唔係一個人踢，有啲野無得強求。 美斯係另一種可惜，講天份佢應該毫無疑問係當世第一，呢樣除左haters應該無人否認。天份當世第一唔只係講同一世代個班，後面有無來者唔肯定，前就真係無咩古人啦。 有得揀入籍西班牙，無揀。如果有個世盃，球王呢個名就坐實啦。 就算阿根廷都好，佢唔同牙朗，唔同伊巴個種出身注定既遺憾，阿根廷係有能力去爭奪世盃。 三年三亞，好多人覺得好笑，我都覺好笑，但客觀講，其實都已經好勁，係非常勁。 但好可惜佢係美斯，揀得做阿根廷人，前有馬勒當拿，當代都比人捧做球王，任何人都可以三亞，就係佢唔得，球王係唔可以無冠。 最理想既劇本當然係三年三冠，如果佢做到既，係國內既聲望肯定超越老馬，球王之名亦從此坐實。 但佢衰左。 最少最少，比佢拎到世盃，就算兩次美洲盃輸到無影，佢個球王都叫實至名歸，只係可唔可以超越老馬就唔知。 但佢都衰左。 咁佢就注定好遺憾。只能有個絕代雙驕既評價。 牙朗係得到晒佢可以得到既野、而美斯係有條件做個完美贏家，偏偏係贏齊晒除左世盃之外既所有野，所有非決定性既野。 兩個都好遺憾。 都係個句，每個足球員既夢想都係成為繼比利老馬後既第三人，但佢兩個都失敗左。 一個係先天注定既遺憾，一個係命運既捉弄。 |
| 發表者: 吳超 Oct 30 2017, 17:59 |
| 就算C朗真係攞到世界盃冠軍都做唔到球王，因為佢打嘅位係前鋒，絕對唔會球隊嘅組織核心，強如大哨攞到冠軍都唔係球王 平心而言，美斯真係勁過C朗好多，依家轉型踢進攻中場，但係每次去到決賽隊友又唔爭氣，今屆阿根廷崛起左一班新星，相信應該係美斯做球王嘅最後機會 |
| 發表者: Caesar Oct 31 2017, 00:46 | ||
C朗唔會有世盃嫁啦。葡萄牙無呢個底蘊去比佢衝擊冠軍。 美斯同世盃就真係失之交臂。 14年唔駛講啦，好似尋日既事。 10年係老西捧盃，可惜佢放棄左老西。 06就太後生啦佢，當時係列基美既年代。 可惜佢兩個唔係同一世代既球員，阿根廷就係缺左一位中場既靈魂，美斯先需要打後一格。佢依家係做得好好，但始終都覺得佢既神奇入球更精彩。 14年斜恩、palacio咁多次門前失機，就更加覺得世界第一人個種入球能力難得。 18年，其實絕代雙驕都老啦，巔峰就過左嫁啦。 |
| 發表者: 雞仔嘜 Nov 2 2017, 16:02 |
| 阿根廷個個都係球會核心 唔通個個都做核心咩 |
| 發表者: Caesar Nov 4 2017, 16:01 | ||
但核心既內圍亦係核心既外圍 |
| 發表者: 雞仔嘜 Nov 7 2017, 05:16 | ||||
所以前後左右個個圍晒個大圈中間無人接應組織 |
| 發表者: Caesar Dec 23 2022, 14:31 | ||||||
今年有人接應了 |