Reply to this topicStart new topicStart Poll

> 20 個旅行時最不應犯的錯
諸葛super
發表於: Aug 11 2013, 12:13  評價+1
Quote Post


SUPER仔@ Janice Vidal :D
*******

發表數: 651
所屬群組: 一般
註冊日期: 8-27-2010

活躍:5
聲望:142



天氣不似預期,但要走總要飛……飛還飛,去旅行時,有啲錯免得過都唔好犯。CNN就列出了20個旅行時最不應犯的錯出來俾大家參考,睇下你之前去旅行時做過幾多樣?又或者,記實呢20個行為,下次飛時千祈咪再犯!

1. 帶過多行李
老老實實,好多人去旅行時都帶過多行李。仲有研究指出,原來有1/3的旅客都會帶住6件未著過的衣物返屋企,咁即係你帶得太多囉,留返啲位買手信好過啦!

2. 見到鍾意嘅野唔買
人呢,總係鍾意格吓價,覺得自己會係下一間用平啲嘅價錢買到同一件心頭好。不過結果通常都係……買唔返。所以去旅行時,睇啱而又價錢合理就好買。

3. 出發前唔check清楚手機月費計劃
電話通話漫遊或者唔係最貴,不過每kb同你計的數據漫遊真係可以食咗你隻車,所以大家去旅行前都係問清楚手機月費計劃收費,唔想煩就記得要關閉數據漫遊功能啦。

4. 相信酒店「近市中心」宣傳字眼
宣傳字眼始終係為宣傳而設,入住一間聲稱近市中心的酒店,最近要花額外錢搭的士去市中心可能仲貴過你係住宿上慳返嘅錢。

5. 等免費穿梭巴士
旅行一刻值千金,不如用等免費穿梭巴士的時間去下一個景點更為實際。

6. 忘記扭實洗頭水樽蓋
相信大家都試過,最後搞到自己啲衫上都係洗頭水。

7. 懶醒以為自己買到平機票
平機票唔係成日有,亦都冇一定出現的定律。跟據cheapAir.com 2012年的數據,多數人於出發前49日買到平機票。但同時亦有大學研究發現星期六日先至係買到平機票的最佳時機。所以想買平機票?睇你運氣啦!


8. 在當地買野時講價講到盡
無謂為咗1蚊幾毫花上半個鐘講價,不如慳返口水飲啖茶來得實際。


9. 係機場兌換外幣
都係嗰句,時間就是金錢。與其花上半小時在機場排隊兌換外幣,最後省下一百幾十蚊,不如舒舒服服到市中心找間就腳兌換店兌換,不用排長龍之餘,有時兌換率又非想像中來得差。

10. 高估倫敦希斯路機場的工作效率
其實除咗香港機場工作效率高之外,仲有邊一個機場相對地比香港效率高呢?不過去親英美國家機場都係預多少少時間去應付安全檢查為上。

11. 買平價人字拖去旅行
去旅行需要一對好著又舒適的鞋,試想著住一對人字拖行好路去shopping,你隻腳又點會唔累呢

12. 怕污糟而唔食街邊小食
入鄉隨俗,如果你見到當地人排哂長龍的街邊小食檔,相信味道亦差極有限。怕肚痛?當地人都怕!所以有時係心理戰勝生理!(當然唔係叫你去生食昆蟲或不常見的食物)

13. 買過於笨重嘅當地物品 e.g.鼓
試想想你要係餘下旅程中繼續帶住件重物四圍去,諗起都怕怕。除非你買完立即將佢寄返香港,如果唔係都係可免則免吧。

14. 過份信賴旅遊天書
旅遊天書的內容千編一律,如果你想自己的旅程獨一無二,又時放下天書,問問當地人有何好去處,可能會得到意外的收獲。

15. 唔買全套旅遊保險
永遠為你的旅程作好準備,一個地方可以俾你買到便宜啤酒,唔代表醫療費用同時都好便宜。一份全面的旅遊保險正好為你提供保障。

16. 過分沉迷影相
影相唔係唔好,不過有時用個心記低旅程中的美景,比起你電話中那幾百張美食、日落相來得更令人印象深刻。

17. 出發前冇睇清楚當地簽證要求
買好機票飛到當地先發現需要簽證而原機遣返?唔想咁嘅事發生,記得check好當地需不需要簽證。

18. 只用周末2日去參觀大城市,如柏林相信呢一個錯失又係為英國人而設,不過放諸四海皆準的是,大城市可以睇東西永遠比你想像中多,2日的旅行有時只會輪為走馬看花之旅。


19. 於當地以信用卡提款
雖然用信用卡提款好似好方便,不過唔想返來香港後繳付高昂手續費的話,大家都係帶多啲現金在身上吧。

20. 冇將酒店預訂證明列印出來
以為將預訂證明儲存係手機、電腦內就萬無一失?有時電器呢樣野係鍾意鬧情緒……無電、失靈、又或者上不到網都可以將你計劃打亂,都是列印本最穩陣。

Source: Yahoo!HK

附帶圖片
附帶圖片


--------------------
user posted image
PMEmail PosterUsers Website
Top
0 位使用者正在閱讀本主題 (0 位訪客及 0 位匿名使用者)
0 位會員:

Topic Options Reply to this topicStart new topicStart Poll

 



[ Script Execution time: 0.0183 ]   [ 13 queries used ]   [ GZIP 啟用 ]