[轉貼]給「蝸居部落」的八十後的話：你買唔起樓, 係因為你無用

http://finance.discuss.com.hk/viewthread.php?tid=12104106


給「蝸居部落」的八十後的話：你買唔起樓, 係因為你無X用!!!!!! E-mail 此主題給朋友
http://hk.news.yahoo.com/article/100502/3/hsqe.html

http://hk.news.yahoo.com/article/100502/3/hsqf.html

一返到公司, 未開工前睇新聞, 睇到呢兩段野, 即時令我火都黎埋, 唔上黎嘈唔得

好想講句：

你買唔起樓係你無X用！無得怨！！！

買唔起樓就發爛渣，呢d係無X用之中既無X用！！

我第一份工十二年前, 金融風暴讀完大學出黎做野, 果時得7500一個月, 係地盤做文職, 日日做到8點9點, 涯到03年人工多左一倍唔夠, 都係萬幾蚊

但係慳到十幾萬, 係03年尾, 買左屯門大興花園, 100萬唔駛, 做95%, 果時我先27歲

之後再儲錢, 睇書學下投資, 仲再去進修, 人工而家三萬有多, 07年頭買卓爾居三房啦…都係做95%

我都無人幫, 咁我又去嘈政府呀!!!!!

你唔努力, 何來有樓呀！！！你唔睇準時機出手, 何來有樓呀！！

要買樓, 係要自己努力工作, 努力搵錢去買, 而且要有知識, 學識, 唔識就睇多d報紙, 了解下經濟, 睇準時間出手去買, 08年尾咁平, 你唔去買? 唔係無錢就發爛渣, 然後叫政府俾錢你買, 或者起d平樓俾你, 你估呢度北韓呀, 社會主義ga!!!!

只係識個個星期日去維園嘈既年青人, 你咁撚多時間, 不如諗下點樣搵多d錢好過啦, 以前我地話d敗家仔只係識伸手問老豆拎錢, 而家d八十後敗家仔仲pk, 伸手問政府拎錢, 仲要成日鬧政府

要政府推首置? 你係唔係傻ga, 想1蚊都唔駛出就買樓, 衰衰地5%你都拎唔出, 學咩人買樓呀！！1蚊都無就買樓, 借俾你, 同推你去死差唔多

況且呀八十後, 你交左幾多錢稅呀, 錢又搵唔到, 出黎做野都唔耐, 你交過幾多稅, 貢獻少, 又要伸手拎錢, 正敗家

睇完以下呢段, 我仲慶！！

"參與紮營的二十九歲袁志光表示，為節省住屋開支，自己租住港島南區六十呎的板間房已五年，月租千多元，「我工作了七至八年，月入不足一萬元，每月盡量儲收入兩成左右，已儲了十多萬元，但也付不起首期，儲的錢根本追不上樓價升幅。」"

有無攪錯呀, 你做左七至八年野, 都搵唔過一萬? 咁只有證明你無撚用, 而唔係社會對你唔住lor…… , 一係細個唔俾心機讀書, 一係大個做野懶, 如果唔係, 好人好姐, 有咩理由出黎做野七至八年, 你一萬都搵唔到!!!!!!!我d friend當然會考零分至5分, 中五出黎做野, 肯博肯捱, 都可以係做工程, 做保險, 做導遊, 最少都搵到萬幾二萬啦, 你做咁多年野都月入不足一萬, 又要住港島南區, 你唔住板間房, 唔通俾你住貝沙灣呀!!!!!你有十幾萬, 入黎屯門買, 做95%, 你大把樓可以揀呀, 我捱得咁辛苦, 都住唔起港島呀, 你咁又想住南區?

仲有呀, 做得幾年野, 然後又指住九龍站上蓋話買唔起既小朋友, 你係唔係有問題呀！！駛唔駛政府借埋俾你買間凱旋門天際獨立室呀！！

都係果句啦, 而家d人想學新加坡, 倒不如學北韓仲好啦, 一人派一間大大間ga? 對你有著數, 你就要自由, 要民主, 對你無著數, 你就要社會主義, 家長式管治！！又唔想捱, 又要口多多, 你班八十後真巴閉！

八十後又要樓價d, 但係又唔俾重建, 又唔俾填海, 市區無新既土地供應, 需求上升, 供不應求, d樓又點會平呀！！

行政干預樓市係好危險, 一下子出手多左, 或者時機唔岩, 或者外圍一下逆轉

八萬五教訓再黎一次都唔出奇

當年李永達唔係叫政府壓樓價咩? 之後點呀, 政府出手重左lor, 加上金融風暴殺到, 幾多人唔掂呀....

大佬, 當然d人見自己層樓大跌七成, 好慘ga

人地買到樓, 係人地既努力得番黎, 俾你班友成日嘈, 嘈到真係出手干預, 叫政府做d咁高難度既動作, 好易出事

我而家有樓, 我真係唔想我努力得番黎既野, 俾你呢d 不思進取既人破壞lor

如果係咁

不如行共產啦

我努力做野買到個人資產, 原來到頭來要大貶值就你d唔做野既人, 就你d 想不勞而獲既人, 將我地努力既成果同你分

咁不如返番去50, 60年代既大陸

大家做又36, 唔做又36咪算lor

做七至八年野都搵唔過1萬既人

要我呢d由7500捱到上黎30000一個月既人同你分享我努存既成果, 要我身家大貶值黎就你

咩道理先！

我唔係自私

而係想問

究竟我地想行自由經濟, 資本主義

定係想毛澤東時代既共產黨黎管我地先

而家又話要起居屋

居屋?

你話無居屋係錯, 你話政府而家要起多d居屋仲要市區靚地起居屋俾你住?

你知唔知當年八萬五, 其中一部分就係起多左居屋, 夾硬起, 一時間起好多, 就係諗住滿足你而家既想法, 一大堆居屋起出黎, 天水圍, 東涌.....

但係最後點呀, 起左啦, 好多居屋呀, 但係市大跌呀, 你地呢d叫起居屋既又唔買啦, 平又唔買啦, 幾多居屋貨尾到今年...十年有多先賣清

就係你地要居屋呀, 起左好多呀, 有好多人仲買左之後, 見市跌, 兩年內俾番房委會呀...兩年回收呀.....

平你地又唔買...果時大把居屋你都又唔敢買, 我果時夠膽買私樓, 而家升左

你地又要我地有樓既d樓跌黎俾你地上車....

到時大跌市

好似八萬五跌70%夠多未

夠你地買未

大把居屋你買, 大把私樓你買, 你又唔買

我地香港唔係無居屋

果時好多

但係又無人買lor....

而家無啦, 又叫起.....

起居屋係用我地納稅人d錢ga...
我唔想太多居屋, 到時又唔買....之後又有好多三房套廁居屋變公屋, 2000蚊出租lor

你唔明我講咩的話, 唔該睇下過去十幾年發生咩事先講啦

咁03年大把居屋價既居屋呀

紅磡維港景都有呀, 你又唔去買?

樓價升就叫政府起居屋, 起好啦, 樓價跌又話可以買私樓點解要買居屋, 咁居屋幾時買, 居屋邊個買呀?

而家起居屋的話, 起係天水圍你地又覺得遠唔買, 又要市區起居屋俾你地, 但係又唔俾填海, 又唔俾重建, 起係邊呀?

最衰起左啦, 又話而家d樓好平呀, 我都係唔買居屋啦

玩野呀

醒下啦, 八十後！！

===============================================

雖然作者一來對80後以偏概全,
二來把80後的好食懶飛事事要求政府幫助極端化.
不過這一代的福利主義傾向的確比早10年前強了很多.
有一批人(在網路上都見到)凡事批評「政府+商家+中共」,
凡事反對, 要求又多多.

(例如又不能填海, 又不能建屏風樓, 又反對發展商賺錢, 但要求有更多樓宇供應!
又要最低工資, 又反對老闆炒人
又要增加大學學位, 又嫌大學生畢業後待遇不夠好)

雖然我自問政治立場都算偏向自由化, 也認為香港政府效率低落, 更認為香港的發展商的確甚有問題.
(例如政府要求發展商不能在售樓書和示範單位不能欺騙買家這些基本要求,
也好像很難為發展商似的, 發展商還好意思說擔心新措施會影響樓宇銷售!)

不過網路上80後主流對政府, 商家 和 中共的批評, 也實在有時很不講理.

(怎麼說了這麼多嘮嘮叨叨事事看不順眼, 看來像個老頭似的)

不過另一方面看, 年輕人心態如此, 也是因為社會的確較缺乏向上流動的機會, 以致他們看不到將來, 所以就無法寄望個人努力, 唯有爭取政府政策支持.

香港的將來真是一個死症,
階級矛盾無法解決,
政治紛爭無法解決,
對內地其他地方優勢逐漸消失,
融合珠三角阻力大,
本土市場細小,
資產階級缺乏投資新產業誘因, 只能把資金留在金融地產
金融地產繼續加強貧富懸殊階級矛盾......

甚麼?任亮憲和歐陽英傑交稅會小過(那邊)樓主?

另外八萬五的確是全港將好人(董建華)當賊辦;現在的確是報應

本篇文章已被 Leaf 於 May 4 2010, 13:34 編輯過

另一方觀點:

http://www.miniforum.net/showpost.fcgi?tem...=2783028&page=1

不過用袁志光用代表真是...

如果說他是03年或09年被不幸裁員要重新開始那批都有些同情分
但連續做7-8年連10,000都未有就真的不知誰問題

偶讀此文，感觸殊深。

最少，我們的上一代沒有怨懟他們的上一代。

本篇文章已被 諸葛羲 於 May 4 2010, 16:22 編輯過

""參與紮營的二十九歲袁志光表示，為節省住屋開支，自己租住港島南區六十呎的板間房已五年，月租千多元，「我工作了七至八年，月入不足一萬元，每月盡量儲收入兩成左右，已儲了十多萬元，但也付不起首期，儲的錢根本追不上樓價升幅""

得果十幾萬...在八年前也買唔到樓~ 就算俾得起d數十萬樓既首期, 銀行都唔會借錢俾佢, 一樣買唔到樓~

袁志光


附帶圖片

雖然措辭略為粗鄙，但作者道出置業應有的態度與準備。可惜文章以發洩為主，指點的少，啟發性不足以致未能當頭棒喝。其實，區區「蝸居部落」，不足以真正代表八十後。

作者約1998開始工作，5年後薪金由$7500增加至$13000–$14000。

年輕人都曾經有追求理想的時候，那是不怕窮、輸得起的寶貴日子。用薪金多少去衡量一個人有沒有成就，也是個方法。但世上沒有「辛勤工作幾年，月薪必然超過多少」這種道理。

傳媒的效率和訊息流通的發展，助長了八十後怨聲載道的憤世形象。莫佩的說話，亦使人輕嘆。同樣是大學生，幾十年前的天之驕子和2010年的憤青，前途豈是同一回事。當社會的進步大，我們對生活的期望提高其實自然不過。將八十後對現今的期望套用到昔日，當然會顯得他們嬌生慣養、不知足。在六十年代讀大學比起在現今讀碩士更難，期望是否太高，應該相對於時代來說。八十後的期望是對當下表達的，而不是那個用自來水都要上街輪候的年代。當時沒有Facebook和互聯網，廣播媒體處於萌芽階段。我相信每個時代的年輕人都有他們的抱怨。有多少渠道方便他們表達不滿？有多少媒體渲染並炒作他們的聲音？將直接影響他們在社會上的普遍形象。我未能確定，前輩們是否真的相較八十後更知足常樂、天生天養。前輩對晚輩的善意指點，若可顧及時代變遷、生活的差異，將更貼近世情、更有啟發性。願我們自己爭氣。

不要說買樓,有些八十後連基本生活也不能維持
貧苦兩極,我剛剛考試,溫習宗教,我們的香港快要像亞毛斯時代了
search:亞毛斯時代
===========
小朋友的言論

在下認為板主你的言語有些少人身攻擊了,因為現在的八十後哥哥姐姐,他們的生活十分潦倒,是,他們連日常生活都不能維持,但樓上些少的軒轅愛他的言論十分正確,而在下的想法和他一樣,八十後的「蝸居部落」其實是反映出社會變遷得太快了

你想說樓主?

另外, 我是轉貼的.

我生活的很好，謝謝。

本篇文章已被 迷途小貓 於 Jun 28 2010, 16:39 編輯過

不要以為每個人都需要打救。

本篇文章已被 懶蛇 於 Jun 28 2010, 17:25 編輯過