做醜人

[Leaf]

[阿暪]

對這篇文章甚為同意, 尤其是說社會永遠都是不完美, 總不能要求社會完美了才出來工作.

(不過隱蔽請年不出來又是不是真的就是這原因, 如果隱蔽請年的出現主要是其他社會原因, 那施永青就變了打稻草人了)

另外, 施永青想說「開脫」還是「解脫」?

[Leaf]

多一個醜人說明天堂的隱憂;不過日本都不算隱而是浮現了不小

被騎劫的「M型社會」論

上周五晚，孫柏文到機場隔離嘅亞洲國際博覽館聽演講。這位演講嘉賓係八足咁多爪，話係馬來西亞前總理Mahathir在任時十幾年嘅顧問，又係薄熙來喺大連做市長同市委書記時嘅發展戰友，當然亦喺03年曾經發表過「M型社會」論嘅日本人大前研一。

未去前，聽人講佢咁巴閉，佢嘅履歷又咁厚，搞到我對佢嘅預期咁高。真係不能否認我去嘅原因，其中有少少係睇吓佢點樣遜預期。聽完佢嘅演講結論係，勁超預期！作為一個有時扮演預言家嘅佢，對人口分布及走勢，同人口分布對社會影響嘅分析，都令我大開眼界。如果問我從大前研一嘅講話中，我聽到佢覺得，我國最大嘅長遠隱憂，就必定係一孩政策嘅後遺症。

長遠而言，中國必步日本後塵，人口老化令勞動人口大減，但呢個不能改變嘅人口走勢下，內地經濟結果未必同今日嘅日本一樣，因為佢亦同時舉出好多日本不應有嘅政策。如佢話日本有好多老人優惠，係一刀切型式，只要你夠年齡就可享用，如搭車免費等。咁作為仲估自己係站在道德高地嘅你，一定會話：「好呀！敬老。我哋都有生果金，都係一達65歲有得攞，日本有幾先進呀！」不過佢話，日本老人家平均資產達35萬美元(約273萬港元);亦無負債，當你要冇資產，又收入低嘅後生仔女交稅俾優惠啲有豐厚資產嘅老人家時，國家經濟、國力同上班族嘅生活水平大受影響，故要立刻停止所有一刀切型式嘅老人優惠。

如果係一個香港人講以上嘅說話，仲唔俾你班無所事事、七一著紅衫上街講粗口嘅人掟蕉？哈！好似真係有個香港人喺立法會議事廳講過，而佢真係俾著紅衫嘅人掟蕉！哎呀，最衰啲紅衫後生仔冇錢買車飛入機場，如果唔係睇佢哋俾大前研一嗰6,000個fan屎圍，必定係賞心樂事。不過佢話一孩政策最大禍害，係當日本人自己開始自動生一個時，啲一孩係冇衝勁嘅。公司話要派呢啲人去東歐、南美等做開荒牛，佢哋就會一百幾廿個理由話唔去。唔似以前幾兄弟姊妹時，細嗰啲要出去博。

大前研一嘅「M型社會」論，係話日本中產愈來愈少，一係有錢，一係低下階層。而喺特區亦有好多人話M型社會喺呢度出現，所以要政府做嘢。

本地有人話，M型社會即貧富懸殊，最近就「成功爭取」最低工資。至於演講完畢時，主辦單位俾咗我哋傳媒20分鐘發問，咁我亦把握機會問，特區應否有最低工資？大前研一好簡單話：「唔應該！」佢話好多人喺香港呢啲有自由嘅地方，特別係後生仔女，想要一份今日人工低，但換來未來高人工嘅工作，倘有最低工資，佢哋就冇機會博，令需要工作經驗學嘢嘅低下階層，永遠冇得爬上去，令社會更M型。所以唔該某些人唔好再騎劫「M型社會」論，因大前研一都反對香港有最低工資！

作者為前石油業證券分析員，視股市為終身學習場所，不斷交學費。

+ 本文章直接連結 +

(圖片及原文請查看印刷版第34頁)