害怕祖國，愚蠢嗎？

害怕祖國，愚蠢嗎？

每逢講開移民呢個話題，即使係小小既一個朋友圈子，總係會引來激烈既辨論。

第一個引來辨論既重點，永遠係「中國」有乜好怕。我盡管冇移民打算，但我得承認我係屬於「怕」既一方的。認為「怕」係多餘既朋友，總係認為，我哋只係睇得太多蘋果日報，聽得太多商業一台。

我有一個小觀察。朋友圈之中，拍心口話「唔怕」既人，上大陸既時間，不算多，但總算有。佢地會返大陸，主要喜歡當地既消閒與及吃喝玩樂。

至於大聲嗌「怕」既人，主要係因為工作，所以會花時間在國內。我是當中一員。

我估，如果大陸對我黎講，只係吃喝玩樂既煙花地，我應該都唔會有乜嘢負面感受的。不過響呢個地方實在地工作過，親身感受過當中既價值觀同制度之後，我既「害怕」感覺，就不由自主地產生了。至於我既「害怕」是否合理，個人感受永遠都係主觀的，無謂拗了。

個人經驗：報紙電台雜誌持續每日煽動你一百幾十次，不及你親身經歷一次來得震撼。

*****

第二個引起辨論既，係揀移民既人，不負責任。一走了之係自私行為，有心既應該留響度為下一代爭取民主。

遇上呢個「指控」，我聽得最多既defense，係認為人民鬥唔過政府。政府若有心要唔俾真普選真民主你，你點爭取都冇用。

另一個defense，係鬧返果啲話佢地「自私」既人：「咁你地唔走，又做過啲乜去爭取？咪頂多響facebook度share幾篇文出嚟咁大把？」

最近聽過一個comment，心裡面其實認同，但聽完卻唔係好舒服：

唔想留響度爭取，唔係因為覺得政府唔肯俾，而係相信政府認為唔需要俾。香港地七百萬人之中，實在係有比例唔少既人，覺得民主同普選係冇必要的。呢班人，為數不少。我地也許覺得佢地愚昧，覺得佢地中晒當權者既圈套，但呢班人，的確係存在。要呢大班人改變，難度太高了。假如民主係要尊重所有人既意願，咁呢班人，點搞呢？

實情係，道理並唔係人人都講得通的。

講唔通，又改變唔到，所以揀走人囉。

*****

報紙話，香港人移民，因為冇咗家既感覺。我唔係太認同，因為如果香港冇家既感覺，人生路不熟，去到外國地方，同樣唔見得會有家既感覺。

我係個細膽既人，我還是相信，揀走，主要係因為驚。

害怕祖國，愚蠢嗎？十年八載之後，再come back to呢個問題，邊個聰明邊個蠢，到時自有分曉。一國兩制，本來係香港人既comfort zone，回歸初期既香港人相信特區政府，會透過一國兩制，保持香港一貫嗰套，跟內地維持住最基本既一點距離。但過去一年，呢個comfort zone，似乎越嚟越唔穩陣。當膽小既中產，越嚟越懷疑特區政府去捍衛呢個comfort zone既能力同決心時，移民既人數，我估只會繼續上升。

移民不是好事嗎? 他們愈走得愈能加快深港融合

題目是「害怕祖國，愚蠢嗎？」，然後內容既拒絕討論害怕是否合理，又不講到底害怕哪些東西，只剩下對於「害怕」的無意義呻吟，以及普選萬歲的陳腔濫調。

作者已說明怕內地當中既價值觀同制度; 報紙電台雜誌持續每日煽動你一百幾十次，不及你親身經歷一次來得震撼。

這作者或者害怕被查出是誰影響在內地業務所以說得須隱晦; 要具體嘛

本篇文章已被 Leaf 於 Oct 2 2013, 00:03 編輯過

這就好像說不喜歡某個菜的味道同口感，說了等於沒說。不過香港像他這種寫短文專欄的人，很多都是寫成抒情文，不會有太多就事論事，讀者也喜歡抒情文，讀起來不必想太多，只要情感共鳴就好，對此我並不意外。

前面說到「報紙電台雜誌持續每日煽動你一百幾十次，不及你親身經歷一次來得震撼」，其實更常見的是，當你一貫以蘋果日報的視角來閱讀世界，等親身經歷時，也就只能以蘋果日報的視角來解讀自己的見聞了。hksan那個「洗腦」的主題就對此有所涉及。

http://www.sinodefenceforum.com/members-cl...ong-6-6376.html
不怕英文，有興趣可以看看這裡，第六頁開始討論到香港某些人對大陸的藐視和憎恨，比這些抒情文有深度得多了，當然讀起來也更費腦力。

本篇文章已被 徐元直 於 Oct 2 2013, 03:49 編輯過

that's so simple, communist=evil,ccp=evil,socialism=evil,collectivism=evil,MaoZeDong=evil, end of story