沒有鮮明立場, 作為一介草民觀察的文章

http://notcomment.com/wp/?p=31446

社會動態(79)：幾廿萬都比唔起？ | 筆與置評 noTcomment

今早係超市聽到一段對話，自己聽完都有點感慨。
有時真係無對與錯之分，真係針唔拮到你，你唔知痛啫。
有個疑似食肆老闆自言自語講：「攪咁多人佔中，我真係唔見左幾廿萬……再攪落去要破產。」
路人女學生搭嗲回應佢：「你自己出得黎做生意，幾廿萬都比唔起？
要破產都係你經營不善！你自己問題，唔好懶佔中累你！係你無用！自己無本事！」
我無開口講野…係道自我感慨緊。
超市亞姐幫口講：「你後生女你命好，有人照顧你。唔知搵食艱難。
你自己未做過生意，唔知人地都做得好辛苦咁經營佢間食肆。
你有你表達自由，但你咁講人係無家教。
件事日日咁攪，真係好多人生計受影響，大家係咪攪死晒大家先會收手。」
之後大家不歡而散。
我昨天睇到喜記老闆比人圍炳單野，
先唔好講佢內容如何，有位筆者留言一句：「講老闆自己唔識搵HSBC中小企貸款？
點解做生意會欠人噤多錢？係味經營有問題？」
睇完我都雙眼通紅…唉…正所謂家家有本難唸的經。
我們都有自己追求目標，我們都關心自己社會。
但點解大家企的陣線唔同，你便是異類呢？
我地社會一直追求和而不同，真的不可能嗎？
人人背景唔同，價值觀有所不同。
支持的事唔同都唔緊要，但你用人身攻擊，話人無本事，動用暴力。
要脅大家一定要聽你果一套，便會變成一件壞事，變成好心做壞事。

========================================

文章中作者只是述說一件小事

但也清晰表現了佔中者的自我, 自以為是, 輕視他人(覺得為了自己的理想, 可以犧牲他人)的思想,
和涼薄的言語(類似文中女學生的言語的確在網上見不少)

既然妳咁憎呢個政府，又講到香港咁黑暗，做咩仲留係度獻世？
活係共產黨0既統治之下，係因為妳窮！因為妳無錢移民去自由與繁榮之弧！妳自己問題，無人迫妳留係香港！係妳無用！自己無本事！